Teia teta‘i au tāmanako‘anga tauturu pu‘apinga rava atu

• E au ove āinei teta‘i tei tāmou‘ia ki te au ngā‘i tau i roto i te ngutu‘are, te ‘anga‘anga meitaki nei no te ‘akamatakite‘anga i te a‘i?
• Te ‘anga‘anga meitaki ra te au roka i runga i te au ngutupa pi‘a-moe tātakita‘i?
• Kare e au puta, me kore ra, au vā i roto i te au pāruru, au māramarama, au ngutupa, e te au tā‘ū‘ū-‘are?
• E tā‘iri‘iri uira ‘āinei teta‘i te ‘anga‘anga meitaki ra i roto i te ‘are-pā‘ī, e te pi‘a-tunu-kai, no te ngote‘anga i te reva takere ki va‘o?
• Kua auvaro‘ia āinei a raro i te ta‘ua, e a runga i te tā‘ū‘ū-‘are, kia ma‘ana?
• E ma‘ana, e te marō āinei te ngutu‘are?
• E mea tāmā‘ana‘ana teta‘i tei tāmou‘ia ki roto i te pi‘a no‘ono‘o?
• Te kitena‘ia ra te remu/tātarāmoa, i roto i te ngutu‘are, e te ‘aunga mā‘ū‘ū?
• Te mā ra te au ngā‘i e ta‘anga‘anga‘ia ana e te katoatoa, e kare e manumanu/kiore?
• E korero-motu āinei teta‘i tei tāina‘ia no runga i te tāra‘u‘anga, i rotopu i te tangata ka tāra‘u, e te ‘ona (pērā katoa te au papa‘u‘anga)?
• E kapi āinei, ta te katoatoa no runga i te rāvenga ‘akaruke‘anga viviki i roto i te tuātau manamanatā, e te au papa-ture no te ngutu‘are? Kua ‘akairi‘ia āinei, ki teta‘i ngā‘i i roto i te ngutu‘are, kia kite te katoatoa?
• Me kua tutaki ana te tangata te ka tāra‘u i te ngutu‘are i teta‘i korero-motu, e ritīti āinei teta‘i?
• Me kua tere atu i te ‘okota‘i ‘epetoma tei tutaki‘ia e te tangata te ka tāra‘u i te ngutu‘are no te korero-motu - kua tukuna‘ia āinei ki te Tenancy Services?