Ngaahi fale nofo‘anga pootí | Boarding houses
‘Ilo fekau‘aki mo e faikehekehe ‘o e nofo totongi ko ia ‘i he ngaahi fale nofo‘anga pootí (boarding) mo e nofo totongi ‘i he ngaahi ‘api nofo totongi anga mahení (standard).
Ko e hā ‘a e fale nofo‘anga pooti?
‘Oku fa‘a tu‘uaki ‘i he taimi ‘e ni‘ihi ‘a e ngaahi fale nofo‘anga pootí ko ha nofo‘anga fakatokolahi (shared accommodation) pe ‘ngaahi loki nofo totongi’.
‘I ha fale nofo‘anga pooti, ‘oku ‘i ai ‘a e aleapau ‘a e tokotaha nofo totongi takitaha mo e lenilootí (landlord) ke nofo totongi ‘i ha loki taautaha pe ‘ēlia fai‘anga mohe ‘i ha loki ‘oku fevahevahe‘aki mo ha kau nofo totongi kehe. ‘Oku nau toe fevahevahe‘aki foki mo hono faka‘aonga‘i ‘o e ngaahi loki fai‘anga me‘á (facilities) hangē ko e peitó mo e falekaukaú. ‘Oku kehe ‘eni ia mei he nofo totongi anga mahení ‘a ia ‘oku fakamo‘oni ai ha tokotaha pe ni‘ihi nofo totongi ke nau nofo totongi ‘i he ‘api nofo‘angá kakato.
‘Oku ‘i ai (pe totonu ke ‘i ai) ha kau nofo totongi ‘e ‘ikai si‘i hifo ‘i he toko 6 ‘i ha fo‘i taimi ‘e taha ‘i ha fale nofo‘anga pooti.
‘E ala a‘u ‘a e taimi nofo ‘i ha fale nofo‘anga pooti (pe ‘oku totonu ke a‘u ki ai) ‘o ‘ikai toe si‘isi‘i hifo ‘i ha ‘aho ‘e 28.
In this section
Tali ha ngaahi fehu‘i faingofua ke ‘ilo ai pe ‘oku ke fakalele ha fale nofo‘anga pooti. Kapau ‘oku ke fakahoko eni kuo pau ke ke fakakakato ‘a e ngaahi fiema‘u ‘i he malumalu ‘o e lao ki he nofo totongí.
‘Ilo fekau‘aki mo e ngaahi fiema‘u ki he nofo totongi ‘i he fale nofo‘anga pootí, kau ki ai mo e me‘a ‘oku totonu ke ‘i loto ‘i he aleapau nofó mo e ngaahi tu‘utu‘uni ki he falé.
‘Ilo fekau‘aki mo e ngaahi fiema‘u ki hono tauhi mo e ngaahi ‘a‘ahi ‘o e fale nofo‘anga pootí, kau ai ‘a e fakamatala fekau‘aki mo e ngaahi loká mo e malú, ngaahi tu‘utu‘uni fekau‘aki mo ha hū ki ha loki ‘o ha tokotaha nofo totongi mo e me‘a ke fakahoko kapau ‘e hoko ha palopalema.
‘Ilo fekau‘aki mo e vaha‘a taimi ‘oku fiema‘u ke ke tukuatu ai ha fakatokanga mo e me‘a ‘oku fiema‘u ke ke fakahoko ‘i he ngata ‘a ho‘o nofo totongi ‘i ha fale nofo‘anga pooti.
Ko ha lenilooti (landlord) koe ki ha fale nofo totongi pooti (boarding) pe tokotaha nofo totongi ‘i ha fale nofo‘anga pooti (tenant)?
