Ko ha ngaahi fale‘i lelei ‘eni

• ‘Oku ‘i ai ha ngaahi nāunau fakatokanga kohu (smoke alarms) ‘i he falé ‘oku ngāue pea tu‘u ‘i he ngaahi feitu‘u totonu?
• ‘Oku malu ‘a e falé mo ‘i ai ha ngaahi loka ‘oku ngāue ‘i he matapā ‘o e loki mohe takitaha?
• ‘Oku hao ‘a e falé mei he ngaahi avaava pe ava ‘i he ngaahi holisí, matapā luvá, matapā hū‘angá mo e ‘aofi?
• ‘Oku ‘i ai ha ii fakatafe ‘ea ‘oku ngāue ‘i he fale kaukaú mo e peito?
• ‘Oku ‘i ai ha ‘ufi‘ufi fakamāfana ‘i he ‘aofi mo e lalo faliki ‘o e fale?
• ‘Oku mātu‘u mo māfana ‘a e fale?
• ‘Oku ‘i ai ha hita kuo fokotu‘u ma‘u (fixed heater) ‘i he loki talanoa ‘o e fale?
• ‘Oku hao ‘a e falé mei he tuhituhi (mould) ‘oku ‘asi lelei ki he sió mo e nanamu hauhausia?
• ‘Oku ma‘a mo hao ‘a e ngaahi konga ‘o e falé ‘oku fevahevahe‘akí mei he manu maumau (pests)?
• ‘Oku ‘i ai ha aleapau nofo totongi kuo fakamo‘oni ki ai ‘a e tokotaha nofo totongi kotoa pē mo e lenilooti (kau ki ai ‘a e ngaahi fakamatala kotoa pē ‘oku fiema‘u)?
• ‘Oku ma‘u ‘e he tokotaha kotoa pē ha tatau ‘o e ngaahi fakahinohino ki ha fetukutuku ‘i ha hoko ha me‘a fakatu‘upakē mo e ngaahi tu‘utu‘uni ki he fale? ‘Oku faka‘ali‘ali kinautolu ‘i he fale?
• Na‘e ‘oatu ha lau‘itohi tali totongi kapau na‘e totongi ‘e ha tokotaha nofo totongi ha pōnite (bond)?
• Kapau na‘e ‘oatu ‘e he tokotaha nofo totongí ha totongi pōnite laka hake ‘i he uike ‘e tahá - ‘oku fakahū nai ia ki he Tenancy Services?