Ha nei e falu a talahauaga lagomatai ne mua atu e mahuiga

• Toka ai nakai ke he tau tokaaga kua lata e tau lakau ke fakaofoofo kaeke ke ahua vela e kaina?
• Mau haohao mitaki nakai e kaina ke igatia ni e tau poko momohe moe tau loka gutuhala ne gahuahua mitaki?
• Hao mai nakai e kaina ha ko e tau pupu mo e veha he tau lapa kaupa, tau pu fakamaama, tau gutuhala mo e tau alofale?
• Toka ai nakai ke he fale koukou mo e fale kai e taha lakau ne gahuahua mitaki ke uta kehe e tau ahua vai vela mo e tau ahua tunu kai?
• Toka ai nakai he kaina e tau puipui fakamafana aki e alofale pihia mo e lalofale?
• Mafana mo e momo nakai e kaina?
• Toka ai nakai he kaina e taha lakau hita he poko api mau?
• Hao nakai e kaina mai he tau polopolokau ne kua kitia ki ai pihia mo e tau namu pahu?
• Mea mo e hao mai nakai e tau poko he kaina ne fakaaoga auloa mai he tau moko ne fa takiva?
• Fai taliaaga nakai ne kua tohia mo e fakamooli ki ai e tau tagata nonofo totogi poko mo e pule kaina (lalafi ki ai e tau talahauaga kua tonuhia ki ai)?
• Kua igatia oti nakai mo e taha lagaki he tau fakaholoaga ke mumuitua ki ai ke haohao mitaki kaeke kua fai mena tupu fakalutukia pihia mo e tau poakiaga ke lata mae levekiaga he kaina? Fakatata nakai e tau lau pepa nei he loto kaina?
• Kaeke kua fai tupe e tagata nofo poko ne kua totogi ke taofi aki e poko, kua fai laupepa fakamooli nakai ke he totogiaga nei kua moua?
• Kaeke kua fai tupe ke taofi aki e poko ne kua totogi he tagata nofo poko ti kua molea e taha e faahi tapu - kua fakahoko atu nakai e tupe nei ke he Tenancy Services?