Te tuku whakamōhio a te kainoho

Ka taea e te kainoho whare noho utu te whakakore i tana rētitanga me te pānuitanga 48 hāora. Ahakoa ehara i te mea me āta tuhi tēnei pānui, he pai tonu te whakaaro ki te āta tuhi, me te pupuri i tētahi kape.

Te tuku whakamōhio a te kaituku rēti

Ko te tikanga me tuku whakamōhio ā-tuhi 28 rā te kaituku rēti ki te kainoho. Tērā ētahi aweretanga ki tēnei.

Ka āhei te kaituku rēti whare noho te whakamutu wawe i tētahi rētitanga, mēnā ko tā te kainoho:

• he tūkino, i ngana rānei ki te tūkino, i te whare noho utu
• kua mōreareatia ia, nāna rānei tētahi i whakamōrearea, ahakoa tangata, ahakoa papanoho
• kua tino whakararuhia, kua tūpono whakararuhia e ia ētahi atu kainoho rānei.

Ka āhei te kaituku rēti te whakakore i te rētitanga mā te whakamōhiotanga ā-tuhi o te 48 hāora mēnā:

• kāore te kainoho i utu i te rēti tōmuri i roto i te 10 rā o tana whiwhi whakamōhiotanga ā-tuhi
• kei te whakamahi te kainoho i te whare noho mō tētahi kaupapa takahi i te ture
• e tōmuri ana te utu rēti, ā, kua tau ngā whakaaro o te kaituku rēti kua whakarērea te rūma e te kainoho (i muri i te tirotiro i te rūma, ā, mēnā ka taea, te whakapā atu ki te kaiwhakapā a te kainoho (mēnā rā) kua tautuhia ki te whakaaetanga rētitanga a te kainoho).

Ki te whakarere te kainoho i te whare noho utu

Ko te pānui me:

• tuku ā-tuhi
• whakauru te rā i tukua te pānui
• whakauru te rā ka mutu te rētitanga
• whakauru i te take i whakamutua ai te rētitanga (māna, kua tukua he pānuitanga 28 rā, arā, kua kore he kiko o te whakauru i te take)
• whakauru i te ingoa o te kainoho
• whakauru i te ingoa, te wāhitau whakapā me te nama waea o te kaituku rēti, o te āpiha rānei.

Pānui rautipu

He taihara te tuku a te kaituku rēti i te pānui rautipu. Ko te ‘pānui rautipu’ te tukunga a te kaituku rēti i te pānui ki te kainoho ki te whakamutu i te rētitanga, hei ngaki i te kainoho mōna i tohe mō ōna motika. Hei tauira, mēnā ka amuamu te kainoho mō te rētitanga.

Ki te tukuna e te kaituku rēti he pānui rautipu, ka taea e te kainoho te tono ki te Tenancy Tribunal kia whakatahatia te pānui. Me tuku tono te kainoho i roto i te 28 rā o te whiwhi i te panui.

Ngā mahi hei whakaoti mā te kainoho i te mutunga o tana rētitanga

I te mutunga o te rētitanga, ko tā te kainoho me:

• wehe i te whare noho utu
• tango i āna rawe ake
• waiho i te rūma kia mā tonu, me tango i ngā para katoa
• whakahoki i ngā kī, ngā kāri hipa me ētahi atu pūrere haumaru ki te kaituku rēti
• whakarere i ngā mea katoa (pēnei i ngā taputapu whare) i whakaratoa e te kaituku rēti hei whakamahi mā te kainoho.

Te whakahoki monihere

I te mutunga o te rētitanga, me tirotiro ngātahi te kainoho me te kaituku rēti i te papanoho.

Ko ngā kainoho kua āta tiaki i te whare, i utu i te rēti, ā, me ngā toenga utu, ko te tikanga ka whakahokia katoatia te monihere ki a ia i te mutunga o te rētitanga.

Ki te tukuna te monihere ki te Tenancy Services, whakakīhia te puka whakahoki monihere, ka tuku ki te Tenancy Services kia tukatukahia.

I tētahi rētitanga whare noho utu, mēnā he kotahi wiki, iti iho rānei te monihere, ehara i te mea me tuku ki te Tenancy Services, ā, me whakahoki te kaituku rēti i te monihere i runga anō i te whakaaetanga rētitanga.

Te whakahoki monihere

Ki te whakarere te kainoho i te whare noho utu

Mēnā he rēti tōmuri tā te kainoho, ā, e whakapono ana te kaituku rēti kua whakarērea te whare noho utu, ko tā te kaituku rēti:

• ka taea te whakairi pānui ki te kūaha o te kainoho. Ka whakamōhio tēnei pānui i te kainoho ka kuhu te kaituku rēti ki te rūma hei te 24 hāora ki te whakaū mēnā kua whakarērea te rētitanga
• he whai i ngā mahi katoa ki te whakapā atu ki te kaiwhakapā (mēnā rā) kua tautuhia ki te whakaaetanga rētitanga.

Me kaua te kaituku rēti e urutomo ki te rūma kia hipa rā anō te 24 hāora i muri i te whakairi i te pānui ki te kūaha.

Kia oti i te kaituku rēti te tirotiro i te rūma, ā, kua mārama tana whakatau ake kua whakarērea te rētitanga, me tuku rawa i te 48 hāora anō ki te kainoho ki te whakamutu i te rētitanga. Me whakaiti tēnei pānui ki te kūaha o te rūma, ā, me tāpiri i te wā me te rā ka mutu te rētitanga.

Ngā wāhi, ngā rawa rānei kua whakarērea

Ki te mate he kainoho

Ka mutu te rētitanga whare noho utu hei te 48 hāora i muri i te matenga o tētahi kainoho takitahi i raro i te rētitanga.