Konei a nisi manatu fesoasoani

• A te fale tena e isi ne ana peele (smoke alarm) e ‘tagi manafai e isi ne ausaga kae e fakapiki i koga sao?
• A te fale tena e malosi kae e galue fakalei ana loka i potu moe takitasi?
• A te fale tena e seai ne ana puuga io me ne vaaga i vaasia o pui, famalama, mataloa e pela foki mo siiligi?
• A te fale koukou e pela foki mo te umu kuuka e isi ne ili e galue e fakapiki iei o ave a afusaga ki tua?
• A te fale tena e isi ne pane mai loto o te siiligi pela foki mai lalo o te fola e fakamafanafana iei te fale?
• A te fale e mafanafana kae maloo?
• A te fale e isi sena mea fakavelavela kae piki ki te pui i te potu alaala?
• A te fale e seai mai iei ne fakauliuliga o te nofo siu kae manogi siusiu?
• A koga e fakaoga fakatasi ne tino nofo e ‘ma kae seai ne manu se ‘lei ki te ola ‘lei iei?
• E isi se pepa o fakanofonofoga ki te nofo i te fale ne saina ne te tino e nofo i loto kae togi mo te tino io ia te fale (e aofia iei a takutonuga katoa e manakogina)?
• A tino katoa e isi ne olotou kopi o fakanofonofoga o te fale e pela foki mo fakailoaga o faifaiga olo ki tua i taimi o mea tupu fakafuasei? E isi e faka‘paa i loto i te fale?
• Kafai ne togi ne te tino e togi tena nofo i te fale se feagaiga (bond) ki te fale, e isi se lisiti ne avatu?
• Kafai te togiiga o te feagaiga ki te fale mo se leva e silia atu i te vaiaso kooti ne fai ne te tino e togi tena nofo i te fale - ko i loto nei i te Tenancy Services?